Kriza e Los Angeles Lakers po thellohet gjithnjë e më shumë. Skuadra kaliforniane u mposht 124–112 në transfertë nga Sacramento dhe, pas kësaj humbjeje, zbriti në vendin e pestë në renditjen e Konferencës së Perëndimit. Edhe pse Luka Dončić shkëlqeu me 42 pikë, paraqitja e tij individuale nuk mjaftoi për të shmangur humbjen. Për vendasit, protagonistë ishin DeRozan me 32 pikë dhe Monk me 26, duke udhëhequr Kings drejt një suksesi të rëndësishëm.

Zhgënjim edhe për Cleveland, që u mund në parketin e vet 123–112 nga Utah Jazz. Miqtë u mbështetën te dyshja George–Markkanen, që së bashku realizuan 60 pikë dhe bënë diferencën në momentet vendimtare të ndeshjes.

Humbje pësoi edhe Boston, që u ndal 98–96 në transfertë ndaj Indiana. Skuadra vendase ndërtoi fitoren mbi një mbrojtje solide, ndërsa në sulm u dalluan Siakam me 21 pikë dhe Huff me 20, duke i rezistuar rikthimit të Celtics në minutat e fundit.

Nga ana tjetër, Dallas arriti një fitore të vështirë 113–105 përballë Brooklyn, ndeshje ku Flagg ishte lojtari më i spikatur me 27 pikë. Te suksesi u rikthyen edhe Clippers, që mundën 117–109 Charlotte, me Leonard dhe Harden që së bashku realizuan 67 pikë. Fitore regjistroi edhe Philadelphia, që mposhti 115–102 Toronton, falë një paraqitjeje të shkëlqyer të Maxey me 33 pikë.

Rezultatet:

Cleveland – Utah Jazz 112–123

Indiana – Boston 98–96

Toronto – Philadelphia 102–115

Dallas – Brooklyn 113–105

Sacramento – Lakers 124–112

Clippers – Charlotte 117–109

sfidanti.al