Gjatë prezantimit të trajnerit të ri në Salento, drejtori sportiv i Lecces i hapi rrugë transferimit të disa lojtarëve. Sipas tij drejtuesit nuk do të bënin rrezistencë nëse disa prej lojtarëve, të cilët kanë kontribuar në këtë klub prej vitesh do të kërkonin të largoheshin. “Kur flas për merkaton dua të jem i qartë se do të dalim në përfundime duke bërë llogaritë edhe për ciklet e kryera. Mendoj se ky vit ka qenë ai i fundit i një cikli për shumë lojtarë. I referohem lojtarëve, të cilët kanë sjellë rrezultate të mira gjatë aventurës me Leçen. Flas për lojtar si Falcone, Baschirotto, Ramadani, Krstovic dhe Gallo. Nëse ata na kërkojnë që të largohen ne nuk do të bëjmë qëndresë. Kemi vendosur që të pranojmë vullnetiun e tyre”, tha Panteleo Corvino. Siç dihet Ylber Ramadani është kontaktuar nga klubi i Al-Ain, i cili i ofron një kontratë 3-vjeçare me një pagë vjetore prej më shumë se 1 milionë euro për sezon. Al-Ain i ka prezantuar ofertën direkt menaxherit të shqiptarit, për të cilin skuadra italiane pritet të kërkojë 7-10 milionë euro. Dëshira e lojtarit në këtë pikë është e qartë pasi një ofertë e tillë nuk vjen shpesh, por pengesë mund të bëhet Leçe.

sfidanti.al