Tino Asprilla është grabitur në Kolumbi dhe ka regjistruar një video për të paralajmëruar të gjithë të njohurit e tij për përdorimin mashtrues që grabitësit po bëjnë me celularin e tij, por edhe për t’iu drejtuar drejtpërdrejt këtyre të fundit: “Do t’ju gjej”, tha ish-sulmuesi i Parmës, sot 55-vjeçar. Ngjarja po bën shumë zhurmë, sepse ka ndodhur në një vend që supozohet të jetë nga më të sigurtit, pra pranë Prokurorisë së Përgjithshme të kryeqytetit, Bogotà.
Asprilla kishte qenë viktimë e një grabitjeje edhe në vitin 2021 dhe, ashtu si atëherë, edhe tani ka përdorur rrjetet e tij sociale shumë të ndjekura për të denoncuar ngjarjen dhe për të shprehur pakënaqësinë ndaj kushteve aktuale të pasigurisë që përjetohen në Kolumbi. Rreth mesditës së së mërkurës, në profilet e tij në Instagram dhe X, ish-lojtari i përfaqësueses “cafetera” publikoi një video ku tregoi gjithçka: “Sot në mëngjes u grabita: isha duke folur në telefon, po ecja, kisha lënë makinën përpara Prokurorisë. Një person me motor hipi mbi trotuar, ma rrëmbeu telefonin nga dora dhe nuk pata kohë të reagoja”.
sfidanti.al
