Është e njohur tashmë dashuria e Sergio Ramos për muzikën, madje ai ka një këngë në repertorin e tij, por tani ai do të publikojë një tjetër këngë së bashku me artistin meksikan Carin León. Këngëtari Carin León ishte ai që bëri publik lajmin për publikimin e këngës, edhe pse nuk dha shumë detaje, ai theksoi anën artistike të Ramos dhe dashurinë e tij për flamenco-n.

“Po vjen një këngë, kompozimi është shumë i mirë… Nuk e kishim lëshuar ende. I pëlqen shumë flamenco dhe këndon shumë mirë… e kupton. Ata janë vërtet artistë të mëdhenj, ka piktura të tijat, pikturon gjithashtu,” tha ai në podcast-in ‘Acá Entre Nozz’.

Ata të dy kanë një miqësi prej kohësh, madje edhe para se Ramos të transferohej në Meksikë për të luajtur me Rayados. Në nëntor të vitit të kaluar, ata u takuan në shtëpinë e mbrojtësit në Spanjë dhe Sergio i ndau këto momente në rrjetet sociale.

Për më tepër, Ramos ka postuar disa herë këngë në të cilat merr pjesë Carin León, si “Según Quién” dhe “Que Vuelvas”. Në të njëjtën intervistë, artisti shprehu dashurinë e tij për Real Madrid-in, ku ka luajtur Ramos, dhe tani ndjek Rayados për shkak të fazës së re që po kalon futbollisti.

sfidanti.al