Erling Haaland ishte një nga protagonistët e padiskutueshëm të dasmës së Gianluigi Donnarummës dhe Alessia Elefantes, e zhvilluar në Puglia, të Italisë.

Sulmuesi norvegjez solli në festë atmosferën e kombëtares së tij, duke rikrijuar vallëzimin e famshëm ‘Viking Row’, festimin simbolik të Norvegjisë që është bërë i njohur në mbarë botën. Në ritmin e daulleve, Haaland udhëhoqi të ftuarit në koreografinë e veçantë, ndërsa edhe Donnarumma u bashkua me të, duke u ulur në tokë dhe duke imituar lëvizjet e sinkronizuara të vozitësve në një anije vikinge.