Abdullah Matuq ka qenë protagonist i një momenti shumë të shëmtuar në fund të ndeshjes Al-Taawoun – Al-Shabab, që mund të komprometojë gjithë pjesën e mbetur të sezonit të tij. Lojtari u përjashtua dhe rrezikon një pezullim prej gjashtë muajsh për faktin se pështyu drejt arbitrit pas fishkëllimës përfundimtare – një gjest antisportiv i kapur nga VAR-i dhe që çoi në karton të kuq. Pamjet tregojnë momentin e saktë kur anësori bën gabimin më të madh të karrierës së tij, që mund t’i sjellë pasoja shumë të rënda.

Lojtari i Al-Shabab do të mbetet jashtë fushave për një kohë të gjatë pas vendimit që do të merret pas përjashtimit. Pritet të jetë një pezullim 6-mujor, siç parashikon rregullorja e Saudi Pro League, e cila i trajton me shumë ashpër këto sjellje antisportive. Matuq u kap në flagrancë ndërsa pështyu drejt arbitrit Majed Mohammed Al-Shamrani në fund të ndeshjes, në një klimë tashmë shumë të tensionuar për shkak të humbjes së skuadrës së tij. Një zinxhir ngjarjesh çoi në këtë gjest shumë të rëndë, i zbuluar vetëm falë VAR-it.

Matuq iu afrua arbitrit në mënyrë shumë polemike dhe u ndëshkua fillimisht me karton të verdhë, por më pas, ndërsa po shkonte drejt dhomave të zhveshjes, u kthye dhe pështyu në drejtim të tij. Në atë moment arbitri u thirr nga VAR-i, rishikoi pamjet dhe u informua për atë që kishte ndodhur: lojtari u rikthye nga tuneli i stadiumit dhe u ndëshkua me karton të kuq direkt, që sipas rregullores sjell një pezullim 6-mujor. Kjo do të thotë se futbollisti saudit pritet ta mbyllë para kohe sezonin, pa pasur më mundësi të zbresë në fushë.