Klubi i Al Hilal vazhdon të kërkojë me ngulmmesfushorin italian, Nicolo Barella. Sauditët tentuan në merkaton e dimrit, ta joshnin futbollistin me një ofertë të majme, por 27-vjeçari refuzoi, duke konfirmuar dëshirën e tij për të qëndruar te Interi.
Megjithatë, sipas “La Gazetta dello Sport”, Al Hilal është gati të bëjë një ofertë që do ta kthente Barellan në futbollistin italian më të paguar të historisë. Nëse gjatë janarit shifrat flisnin për një pagë vjetore prej 18 milionë eurosh, këtë herë klubi saudit ka përgatitur një kontratë katërvjeçare me një pagë prej 35 milionë eurosh në sezon, që në total do të kapte shifrën e 140 milionë eurove.
Pavarësisht ofertës joshëse, mesfushori italian duket i palëkundur në qëndrimin e tij. Ai është i lumtur në Milano dhe nuk ka në plan të largohet nga Interi. Kontrata e tij aktuale, e rinovuar vitin e kaluar, është e vlefshme deri në vitin 2029 dhe i garanton një pagë vjetore prej 6.5 milionë eurosh, duke e bërë futbollistin italian më të paguar në Serisë A.
sfidanti.al
