Barazimi 1–1 mes Vorës dhe Teutës për javën e 21-të të “Abissnet Superiores” u la në hije nga deklaratat shumë të forta të trajnerit të Vorës, Arjan Bellai, i cili shpërtheu ndaj arbitrimit, duke përdorur citime dhe krahasime të ashpra pas përfundimit të ndeshjes.

“Ne i bëmë llogaritë që në fillim, që kur pamë kush ishte aty te dhoma. U thashë çunave: po nuk bëmë 2–3 gola, është e vështirë ta fitojmë sot”, deklaroi Bellai, duke lënë të kuptohet se skuadra e tij ishte e përgatitur për vështirësi jashtë aspektit sportiv. Më tej ai shtoi: “Nuk është futboll ky, nuk luhet me dirigjent. Ka dy trajnerë në fushë, të tjerët duhet të mbajnë vendin e tyre”.

Në fund, Bellai e mbylli me ironi: “Po duan të luajmë, të luajmë. Po nuk duan, fusim U-19 dhe kalojmë një pasdite të bukur”.

sfidanti.al