Elbasani ka pezulluar Ardit Hilën, për shkak se ka shkelur rregulloren. Klubi verdheblu ka marrë masë ndaj mesfushorit, duke e pezulluar atë pa afat. Nuk bëhet e ditur se çfarë shkeljeje ka bërë konkretisht lojtari, i cili është një nga titullarët kryesorë të ekipit verdheblu. Pezullimi nuk ka të bëjë me performancën e tij në fushë, por për veprimet jashtë saj, që konsiderohen thyerje e rregullores. Për këtë arsye Hila nuk figuronte fare në protokollin e ndeshjes së fundit me Vllazninë në Shkodër, ku Elbasani humbi 2-1. Mesfushori 31-vjeçar deri tani ka luajtur në 12 ndeshje kampionati, duke numëruar 851 minuta në këmbët e tij, ndërkohë që ka shënuar edhe dy gola për elbasanasit.

sfidanti.al