Lamine Yamal vazhdon të mahnitë botën e futbollit. Talenti spanjoll ka arritur shifrën e 101 kontributeve direkte në gola (G/A) me klubin dhe kombëtaren, një arritje e jashtëzakonshme për një lojtar vetëm 18 vjeç.

Pas tripletës së realizuar sot, Yamal ka shkuar në 49 gola dhe 52 asiste në karrierën e tij, duke prekur një tjetër moment historik në një moshë kur shumica e futbollistëve sapo nisin të trokasin në ekipet e para. Shifrat e tij konfirmojnë ndikimin vendimtar si me fanellën e Barcelonës, ashtu edhe me përfaqësuesen e Spanjës, ku është kthyer në një nga figurat më të rëndësishme të brezit të ri. Arritja e 101 G/A në moshën 18-vjeçare e vendos Yamal në një kategori të rrallë talentesh, duke forcuar bindjen se futbolli europian ka përpara një yll të madh për vitet në vijim. Ritmi i tij është mbresëlënës dhe nëse vazhdon kështu, rekordet duken vetëm çështje kohe.