Manchester United vazhdon të punojë për të siguruar shërbimet e një portieri dhe vetëm pak ditë para se të mbyllet merkato, “djajtë e kuq” kanë rivendosur kontaktet me Aston Villan në lidhje me Emiliano Martinez.

United ka humbur besimin te Onana, i cili ishte në stol për dy ndeshjet e fundit të Premier League dhe ishte në fushë në katastrofën e Kupës Carabao kundër Grimsby Toën, dhe e ka kuptuar se nuk mund ta ketë as te Bayindir, portieri turk që ishte titullar për tre ndeshjet e para të Premier League.

Manchester United ka zhvilluar diskutime të reja me klubin e Birminghamit dhe me agjentët e kampionit të botës argjentinas, i cili konsiderohet si një nga opsionet kryesore për forcimin e portës.

Martinez, një titullar i rregullt për Aston Villën dhe një figurë kyçe në fushatën e Argjentinës në Kupën e Botës në Katar, do të përfaqësonte me shumë përvojë dhe besueshmëri. Por transferimi nuk është i lehtë: Aston Villa nuk ka ndërmend ta lëshojë lehtë numrin një të tyre dhe shifra e ofruar është e ulët.

sfidanti.al