Në kuadër të derbit të nesërm mes Interit dhe Milanit, La Gazzetta dello Sport intervistoi një ish-protagonist si Lucio. Këto janë fjalët e qendërmbrojtësit, fitues I tripletës: “Kundër Milanit nevojitet i njëjti shpirt si ai në Mançester. Sa skuadra mund të shkojnë atje për të luajtur kështu? Te City mund të humbasësh dhe shpesh të pranosh të paktën një gol, por Interi doli në të njëjtin nivel kundër një prej skuadrave më të forta në Evropë. Çfarë mëson? Që skuadra mund të luajë në dy gara. Skuadra e duhur me shumë alternativa”.

Për Lautaro: “Të gjithë presin golin e tij, ndoshta ai do të arrijë në derbi dhe do të jetë edhe më i mirë. Është një qendërsulmues që zgjidh shumë probleme, por Interi nuk varet vetëm nga ai, as nga Thurami që po rritet mirë dhe që e di se ku mund të shkojë. Forca e Interit është se ata gjithmonë sulmojnë me tetë lojtarë: është një spektakël”. Për mbrojtjen: “Të gjithë mbrojtësit kanë një qëndrueshmëri të jashtëzakonshme të performancës. Pavarësisht se kanë fituar kaq shumë tituj, të gjithë janë gjithmonë të fokusuar. Duke filluar me Acerbin, një mbrojtës i madh”.

sfidanti.al