Davide Frattesi është gjithnjë e më pranë rikthimit te Lazio. Sipas La Gazzetta dello Sport, Interi dhe klubi kryeqytetas kanë arritur një marrëveshje paraprake për transferimin e mesfushorit italian. Operacioni parashikon huazim për një sezon me pagesë 1 milion euro, ndërsa në fund të sezonit do të aktivizohet detyrimi i kushtëzuar i blerjes për 14 milionë euro, nëse plotësohen dy kushte: numri i përcaktuar i paraqitjeve të Frattesit dhe përfundimi i Lazios të paktën në vendin e dhjetë të Serie A.

Por detaji më interesant i marrëveshjes është ai që lidhet me të ardhmen e lojtarit. Interi do të mbajë 50% të fitimit nga një rishitje e ardhshme e Frattesit, një klauzolë që ka qenë vendimtare për zhbllokimin e negociatave. Në marrëveshje parashikohen gjithashtu 3 milionë euro bonuse. Frattesi tashmë ka dhënë “OK” për projektin e Lazios dhe trajnerin Gennaro Gattuso. Pas sezonit të huazimit, në rast se aktivizohet blerja përfundimtare, mesfushori pritet të firmosë një kontratë katërvjeçare me klubin bardhekaltër.

Për Frattesin bëhet fjalë për një rikthim në Romë, ku ai është formuar në akademinë e Lazios. Tani mbetet vetëm finalizimi i dokumentacionit dhe plotësimi i procedurave të fundit për ta bërë transferimin zyrtar.