Barcelona ka marrë një vendim surprizues për hierarkinë e kapitenëve për sezonin 2026-2027. Pas largimit të Marc-André ter Stegen dhe Ronald Araújos, shiriti i kapitenit do t’i besohet Raphinhas. Braziliani do të jetë kapiteni i parë, duke kaluar kështu Frenkie de Jong në hierarki. Holandezi shihej si kandidati më logjik për të marrë drejtimin e skuadrës, pasi ishte kapiteni i tretë sezonin e kaluar dhe pritej të ngjitej në vendin e parë. Megjithatë, Barcelona ka zgjedhur Raphinhas si figurën kryesore të dhomës së zhveshjes. Sipas raportimeve nga “ESPN Brazil”, vendimi lidhet me ndikimin e madh të brazilianit te skuadra.

Hansi Flick e ka vlerësuar prej kohësh personalitetin dhe cilësitë drejtuese të sulmuesit. Raphinha konsiderohet një lider natyral nga bashkëlojtarët dhe ka fituar shumë autoritet brenda grupit. Që prej transferimit nga Leeds United, 29-vjeçari është shndërruar në një nga lojtarët më të rëndësishëm të Barcelonës. Performancat në fushë dhe përkushtimi ndaj ekipit kanë ndikuar në rritjen e statusit të tij. Pas tij në hierarki pritet të jetë De Jong, ndërsa më pas renditen Pedri dhe Eric García. Kështu, Barcelona nis sezonin e ri me Raphinhas si liderin e ri të skuadrës dhe të dhomës së zhveshjes.