Oklahoma City Thunder, kampionët në fuqi, vijuan të shkëlqejnë edhe këtë sezon në NBA, duke mundur 124-112 Golden State Warriors në transfertë. Ky është suksesi i tyre i 21-të sezonal, me Shai Gilgeous-Alexander që realizoi plot 38 pikë dhe ishte lideri i padiskutueshëm i ndeshjes. Fitore të rëndësishme arritën edhe San Antonio Spurs, që falë 31 pikëve të Scottie Barnes dhe 29 të De’Aaron Fox, mposhtën 126-119 Memphis Grizzlies. Spurs shfaqën karakter në momentet vendimtare, duke e kontrolluar finalen e sfidës. Pas kohës shtesë triumfuan Minnesota Timberwolves, 149-142 ndaj New Orleans Pelicans, në një ndeshje të çmendur ku diferencën e bëri Anthony Edwards me 44 pikë fantastike. Nuk zhgënjyen Boston Celtics, që mposhtën 123-117 New York Knicks, me Jaylen Brown që shkëlqeu me 42 pikë të realizuara. Fitore dramatike morën Toronto Raptors, që mundën 121-118 Portland Trail Blazers, ku Barnes ishte përsëri vendimtar me 29 pikë. Në ndeshjen tjetër, Philadelphia 76ers mposhtën 121-102 Washington Wizards, falë 35 pikëve të Tyrese Maxey, i cili vazhdoi të jetë në formë të jashtëzakonshme.

Rezultatet:

Philadelphia – Washington, 121-102

Toronto – Portland, 121-118

Boston – New York, 123-117

New Orleans – Minnesota, 142-149

San Antonio – Memphis, 126-119

Golden State – Oklahoma, 112-124

sfidanti.al