Islam Selmani ka arritur një sukses historik të shtunën mbrëma në Kajro të Egjiptit, duke u bërë karateisti i parë nga Kosova që kualifikohet në finalen e Kampionatit Botëror të karatesë.

Në gjysmëfinale, Selmani dominoi plotësisht përballjen ndaj uzbekistanasit Mekhriddin Turakhonov, duke siguruar një fitore bindëse dhe duke dëshmuar edhe një herë nivelin e lartë të përgatitjes dhe vendosmërinë e tij.

Ky rezultat përfaqëson arritjen më të madhe në historinë e karatesë kosovare, një moment i artë që vulos progresin e jashtëzakonshëm të këtij sporti në vend.