Flamurtari në basketboll për femra ka fituar ndaj Tiranës me rezultatin 80–51, duke siguruar matematikisht pjesëmarrjen në play-off-in e kampionatit dhe duke vijuar luftën për titullin kampion.

Ndeshja u dominua totalisht nga vajzat vlonjate, të cilat që nga minuta e parë e deri në fund diktuan ritmin e lojës, duke mos i lënë asnjë hapësirë rivalëve kryesorë. Me një lojë të organizuar, agresive dhe efikase në sulm, Flamurtari krijoi gradualisht një diferencë të madhe pikësh, që u thellua deri në fund të takimit.Kjo fitore e rëndësishme konfirmon formën e shkëlqyer të skuadrës dhe ambiciet e saj për të shkuar deri në fund në garën për titullin kampion.

sfidanti.al