Gabriel ishte një nga protagonistët më të përfolur të finales së Champions League mes Arsenalit dhe PSG-së. Mbrojtësi brazilian u kthye në figurën më të pafat të mbrëmjes pasi humbi penalltinë vendimtare, duke i dhuruar trofeun skuadrës franceze. Megjithatë, reagimi i tifozëve të Arsenalit ka qenë i jashtëzakonshëm. Në vend që ta kritikojnë futbollistin, ata kanë zgjedhur ta mbështesin në një nga momentet më të vështira të karrierës së tij. Sipas gazetarit Fabrizio Romano, shitjet e fanellës së Gabrielit janë rritur me plot 350 për qind pas finales.

Një shifër që tregon qartë solidaritetin dhe besimin që tifozët vazhdojnë të kenë ndaj mbrojtësit brazilian. Gabrieli u shfaq i zhgënjyer pas humbjes, duke marrë mbi vete përgjegjësinë për episodin vendimtar. Megjithatë, mbështetja masive nga tifozët duket se po i jep forcë për të lënë pas këtë moment të vështirë. Veprimi i tifozëve të Arsenalit është vlerësuar gjerësisht në rrjetet sociale, duke u konsideruar si një shembull i rrallë i besnikërisë dhe mbështetjes ndaj një futbollisti pas një zhgënjimi kaq të madh.