Ben Shelton në cerekfinalen e US Open. Numri 8 i turneut nuk pati shumë probleme ndaj grekut Stefanos Tsitsipas, të cilin e mposhti 6-2, 6-3, 6-4.

Tani Shelton do të ketë përballë një pengesë shumë të fortë: Carlos Alcaraz, kampionin në fuqi të turneut.

Amerikanët po tentojnë t’i japin fund një pritjeje të gjatë për një titull në një turne Grand Slam. Për meshkuj, tenisti i fundit amerikan që fitoi një Major ishte Andy Roddick, pikërisht në US Open të vitit 2003.

Pas më shumë se dy dekadash, tenisi amerikan shpreson që këtë herë trofeu të mbetet në shtëpi.