Rafael Nadal dhe Roxher Federer zhvilluan një takim me njëri tjetrin në banesën ku akomodohet zvicerani në Indian Uells. Dy legjendat e tenisit botëror diskutuan për të ardhmen e këtij sporti, ndërkohë që nuk ngurruan të shfaqnin edhe pakënaqësinë e tyre kundrejt Novak Xhokovic.

Tenisti nga Bazeli tha për ‘Tennis Channel’ se ai che Nadal folën me orë për Xhokovic dhe shkaku është largimi i presidentit të ATP, Kris Kermod pas 6 vjetësh qëndrimi në këtë post. Largimi i Kermod u bë me kërkesë të Këshillit të Tenistëve që ka si president pikërisht Novak Xhokovic. Tenisti serb mesa duket nuk u këshillua me asnjë prej tyre kur dihej pesha që këta dy tenistë te pjesa tjetër të lojtarëve. Për më tepër Nadal e Federer kanë qenë zv/presidenti dhe presidenti i Këshillit

Xhokovic imponoi largimin e Kermod dhe kërkon më shumë para për tenistët modestë dhe për këtë arsye kërkoi votimin kundër rinovimit të Kermod, ndërkohë që Nadal e Federer do të dëshironin qëndrimin e tij

‘Dua të di se cili është motivi i mosrinovimit të Kermod. është e rëndësishme që të mësohet se përse ndodhi ky ndryshim dhe cfarë do të ndodhë tani, cfarë ka në axhendë-tha Roxher Federer për median zvicerane duke shtuar se kërkoi takim me Xhokovic-ishte shumë i zënë, më sugjeroi takimin një ditë më pas, por vendimi ishte marrë. Fola me Nadal, erdhi në shtëpinë time, morëm kafe dhe jemi të një mendje, Na duhet një plan i qartë për të ardhmen dhe nuk jam i sigurt se cili është. është e rëndësishme që të dimë se deri ku do të shkojmë’

Më herët edhe Nadal e kishte shprehur keqardhjen e tij në një konferencë për shtyp. ‘U zhgënjeva që askush nuk më mori në telefon për të më thënë se Kermod nuk do të qëndronte në krye të ATP-u shpreh numri 2 i renditjes botërore.

sfidanti.al