Përse kjo e diel ishte pushim në Uimbëlldon?

Kjo është një traditë në Uimbëlldon, e gjatë 140 vite! Nuk ka asnjë dilemë se turneu Grand Slam i Londrës është më i rëndësishmi në tenisin botëror dhe nuk ka tenist ose teniste që nuk ëndërron që, një ditë, ta ngrejë lart kupën e më të mirit në “All England Club”. Uimbëlldoni ka shumë tradita, por fakti që, këtë të diel, atje nuk u luajt, nuk ka shumë lidhje me to. Vendimi që të mos luhet tenis, të dielën e kaluar, në mes të turneut, është thjesht praktik, sepse, pikërisht, në këtë ditë, organizatorët e turneut “freskojnë” barin e fushës që, gjatë ndeshjeve të njëpasnjëshme, më të vërtetë, “harxhohet”, madje, në disa pjesë të saj bari rrafshohet gati me fundin e fushës.

Të dielën, kur sportistët morën një pushim të merituar dhe tifozët nuk erdhën në “All England Club”, situatën në dorë e morën Nil Stadli dhe 28 bashkëpunëtorët e tij që bënë “freskimin” e barit dhe rregulluan ato pjesë të terrenit që ishin dëmtuar nga sportistët, por edhe nga disa kafshë të vogla që ushqehen me farëra që gjejnë midis barit!.

Sfidanti.al

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *