Finiks përballet me një problem jo shumë të vogël. DeAndre Ajton është dënuar me 25 ndeshje pezullim pasi ka rezuluar pozitiv në testet antidoping për një substancë diuretike që basketbollisti e përdori për të humbur peshë dhe kthimi I tij në fushat e lojës do të jetë në 17 dhjetor.

Ky moment bën që të zbehet momenti shumë pozitiv që po jetonte në Ajton te Finiks në sezonin e ri që skuadra nga Arizona e nisi me një fitore ndaj Sakramentos. Zakonisht diuretikët përdoren për të maskuar përdorimin e substancave të tjera doping dhe Ajton iu nënshtruar ekzaminimeve të tjera, të cilat treguan se ai nuk kishte përdorur doping.

Megjithatë kjo nuk e pengoi NBA që të ndërmerrte masat disiplinore ndaj Ajton dhe e pezulloi duke u bazuar në kontratën kolektive, ndërkohë që lojtarit do t’I mbahen edhe 2.17 milionë Dollarë nga paga, gjithnjë nëse ky skualifikim do të konfirmohet.

Sfidanti.al