Përse  Tirana guxon ta luajë Derbin pa trajner dhe përse të tjera?

 

  • Përse Tirana e presidentit Halili po guxon më shumë se çdo herë tjetër për ta luajtur Derbin pa trajner në stol..?
  • Sepse tek Tirana duke patur trajnerë e kanë provuar shumë herë fundin  pa lavdi  në Derbi, puna është ta provosh fatin edhe me stolin bosh…!
  • Përse bëri kaq shumë bujë lajmi se presidenti Duka është zemëruar kaq shumë me drejtuesit e ekipeve Kombëtare,  sa i kishte thënë edhe fjalën e fundit..gjeni vend ku të futeni?
  • Sepse ata e gjetën përsëri vendin ku të futeshin,  të gjithë mbetën në detyrë, gati për të thyer rekordin e zi të sapovendosur , kur thithën me sukses  26 gola në rrjetat  kuqezi së bashku për pak ditë…
  • Përse shkarkimi i trajnerit Ahmataj  nga Tirana u pagëzua si një tradhëti e klasit të lartë, një shkarkim që nuk duhet harruar edhe pse priten të tjerë ?
  • Sepse, sikur ta dinit se sa i janë lutur si krishti Ahmatajt që të kthehej pas dorëheqjes , vetëm e vetëm që ta hiqnin si “burrat”  e jo të ikte vetë..
  • Përse stadiumi  ku do të luhet ndeshja Derbi midis Partizanit dhe Tiranës u vendos në minutat e fundit,  madje më parë mësuam çmimet e biletave se sa emrin e stadiumit?
  • Sepse , me thënë atë që s’thuhet , edhe pse mburremi se po jetojmë kohën e stadiumeve të reja, loja me topin e betonit ka më fantazi se loja me topin e fushës…
  • Përse trajneri i Kombëtares, Edi Reja, sapo paska  nënshkruar kontratën i ka thënë punëdhënësit të tij,zotit Duka,  se bashkë do të ngjitemi më lart se me De Biazin?
  • Sepse nuk e dinte që po fliste me “bomberin” e Kombëtares, ndaj  meritoi këtë pyetje :  profesor, cili të ka thënë që na ngjiti lart De Biazi?

 

Sfidanti.al