Zllatan Ibrahimoviç është një nga lojtarët më të mirë në botë, ndërsa ai ka luajtur me Ajaksin, Juventusin, Interin, Barcelonën, Milanin, PSZH-në dhe Mançester Junajtidin, por, megjithatë, sikurse thekson trajneri i Ternanës, Sandro Poçeski, ai nuk do të luante dot me ekipin e tij!?

I pyetur nga një gazetar, nëse në ekipin e tij do të kishte vend për Ibrahimoviçin, Poçeski dha një përgjigje befasuese: “Zllatani do ta kishte të vështirë që të luante me neve, sepse lojtarët tanë, kur luajnë, e prekin topin maksimumi dy herë, tamam si Barcelona, kurse, kur Ibra e merr topin, ai nuk e lëshon më dhe sulet drejt portës. Pep Guardiola u përpoq që t’ia ndryshonte këtë mënyrë loje, por edhe ai nuk arriti”, tha trajneri i Ternanës.

Sfidanti.al