Kinezët edhe më shumë “zikaltër”, pronari Zhang takon Piolin para Romës!

Interi do të luajë të në fundjavë një ndeshje thuajse vendimtare për kualifikimin e mundshëm për në Ligën e Kampionëve. Zikaltërit shkojnë në Romë, në fushën e një pretendenti për titull, dhe trajneri Pioli ka marrë edhe një mbështetje më shumë në prag të duelit të madh.

Vetë pronari Çan Xhiton (Zhang Jidong) mbërriti nga Kina e largët në Milano dhe shkoi në kompleksin stërvitor në “Apiano Xhentile” (La Pinetina) për të takuar trajnerin dhe për t’i dhënë atij mbështetje dhe moral për ndeshjen e fortë. Pritet që pronari, numri 1 i grupit Suning të jetë të dielën në mbrëmje në stadiumin “Olimpiko” të Romës për të ndjekur nga afër ndeshjen e Serisë A. Nëse Interi fiton, atëherë do të ketë shumë më tepër shanse që të kualifikohet për në Ligën e Kampionëve, ndërsa nga kampionati Italian shkojnë në Champions vetëm 3 vendet e para, madje i treti ia del me plej of.

Sfidanti.al