Në Kontinasa askush nuk mbeti indiferent ndaj mbërritjes së Kristiano Ronaldos për t’u bashkuar me skuadrën për seancën stërvitore. Sulmuesi Portugez i Juventusit u prezantua në qendrën stërvitore të Zonjës së Vjetër teksa drejtonte një Rolls Royce Cullinan që mund t’i bashkohert koleksionit të tij të makinave luksoze.

Kristiano Ronaldo për momentin e ka vetëm në provë këtë makinë të markës britanike që për herë të parë e ka nxjerrë në modelin SUV. Makina është e gjatë prej 534 cm dhe ka një motor V12 prej 571 kuaj fuqi. Vlera e këtij automjeti është 300 mijë Euro që shkon deri në 400 mijë po t’i shtohen aksesorët dhe personalizimet mbi të, një shifër kjo që Kristiano Ronaldo nuk e ka aspak problem që ta shpenzojë.

sfidanti,al