“La Liga 11”, Di Stefano e Krujfi në krah të Mesit e Ronaldos

Ka nisur relativisht vonë, në 1929, por është sot kampionati më fitues në botë. La Liga e Spanjës ka tërhequr ndër vite emrat më të mëdhenj të futbollit, pak a shumë siç ka bërë edhe Seria A, por kush mund të jetë formacioni më i mirë i të gjitha kohëve?

Të sigurt janë dy yjet e momentit, Lionel Mesi e Kristiano Ronaldo, tashmë tek Juvja. Superyjet e Barçës dhe Realit bënë duelin më të madh në botë për 9 vjet me radhë. Në krah të tyre, padyshim që do të jenë Alfredo Di Stefano dhe Johan Krujfi, por zgjedhja e emrave të tjerë nuk është shumë e lehtë.

Gjithsesi, Dani Alvesh nuk diskutohet, Pujol apo Hierro mund të jenë mbi Pikenë e Ramosin, Zidan e vendin “të çimentuar”, po ashtu Roberto Karlos, ndërsa “Fenomeni” Ronaldo po përzgjidhet përpara legjendave Raul Gonzales, Emilio Butragenjo, Romario, Hugo Sançez apo Telmo Zarra.

Portier: Iker Kasijas (Real Madrid)

Mbrojtës i djathtë: Dani Alvesh (Barcelona)

Mbrojtës qendre: Fernando Hierro (Real Madrid)

Mbrojtës qendre: Karles Pujol (Barcelona)

Mbrojtës i majtë: Roberto Karlos (Real Madrid)

Mesfushor i djathtë: Johan Krujf (Barcelona)

Mesfushor qendre: Zinedin Zidan (Real Madrid)

Mesfushor i majtë: Alfredo Di Stefano (Real Madrid)

Sulmues i djathtë: Lionel Mesi (Barcelona)

Qendërsulmues: Ronaldo (Barcelona 1996)

Sulmues i majtë: Kristiano Ronaldo (Real Madrid)

Sfidanti.al