Virusi nuk pyet për legjendat, prek edhe Paolo Maldinin dhe të birin!

Njoftimi është zyrtar dhe pa ekuivok. Një nga figurat kryesore të futbollit italian dhe të atij milanez, Paolo Maldini, është prekur nga koronavirusi, madje së bashku me të birin. E qartë që sëmundja e re e shekullit të 21-të nuk pyet për legjendat, edhe pse janë të gjitha mundësitë që ish-mbrojtësi i shquar ta fitojë këtë betejë të vështirë.

Milani njoftoi zyrtarisht Drejtori i Sektorit Teknik, Paolo Maldini, pasi u takua me një person që doli pozitiv dhe duke pasur edhe simptoma viroze, bëri testin dhe doli pozitiv për koronavirus”, – njoftohej në deklaratën e klubit, që shtoi se edhe djali i Paolos, Danieli, lojtar i Shpresave të Milanit, është po ashtu i prekur. Që të dy, babë e bir, janë në gjendje të mirë dhe po vëzhgohen nga klubi.

Sfidanti.al