Mirë që të paktën stoli është plot, por njeriu me shiritin në krah nuk do të arrijë të ndihmojë. Pasi nuk ishte në gjendje të dilte në fushë në fushën e Udinezes, kapiteni i Interit, Samir Handanoviç, përjashtohet nga duelet ndaj Milanit (derbi), Lacios dhe Napolit, shkurt nga 3 prej ndeshjeve më të rëndësishme të sezonit. Me zikaltërit jashtë Championsit, Seria A është objektivi i vetëm që vlen dhe trajneri Antonio Konte nuk ka çfarë zgjidhjeje të gjejë, përveçse të aktivizojë sërish portierin e ri Daniele Padeli, i cili ndaj Udinezes luajti ndeshjen e parë në kampionat në … 4 vjet!

Për dreq, as portieri rezervë Tomazo Berni nuk mund të luajë pasi është i pezulluar. Ai mori karton të kuq për sjelljen e tij në stol në ndeshjen ndaj Kaljarit. Handanoviç theu gishtin e njërës dorë gjatë stërvitjes, dhe pritet të mungojë 3-4 javë. Interi shpreson që ai të jetë gati për derbin ndaj Juventusit në Torino, në 1 mars. Të paktën për derbin kthehet sulmuesi Lautaro Martinez, që ishte i pezulluar, ndërsa Konte ka mjaft mundësi në stol, pas afrimit të lojtarëve si Eshli Jang, Kristian Eriksen apo Mozes, si dhe pas riaftësimit të Barelës, Sensit dhe Aleksis Sançezit.

Sfidanti.al