Mediumet anglezë shkruajnë se Çelsi ndodhet shumë pranë nënshkrimit të kontratës me futbollistin spanjoll, Isko, që luan me Realin e Madridit, dhe se që janarin e ardhshëm ai do të mund të nisë të luajë në “Stemford Brizh”.
“Blutë” e Londrës për shërbimet e këtij mesfushori të talentuar janë gati të nxjerrin nga “qesja” 70 milionë sterlina, ndërkohë që paga javore e Iskos pritet që të jetë 250 000 sterlina në javë. Kontrata, sipas medias, do të ketë një kohëzjatje prej katër vitesh e gjysmë, ndërkohë që Çelsi është gati t’i japë Iskos edhe një shumë suplementare mbas nënshkrimit të kontratës.
Në fakt, edhe vetë Isko 26-vjeçar do që të ikë nga “Santiago Bernabe”, ndërkohë që ai nuk ka marrëdhënie të mira as në dhomën e zhveshjes. Në këtë sezon, Isko ka luajtur në gjithsej 17 ndeshje, ka shënuar katër gola dhe ka dhënë një asist goli.
Sfidanti.al