Mediumet ishullorë bëjnë të ditur se Antonio Konte ka gjetur një emër të ri për të zëvendësuar mesfushorin Nemanja Maiç, Deni Drinkuoter të Lester Sitit. Sikurse dihet, “blutë” e lejuan Matiçin që të largohet për në “Old Traford”, ku ky futbollist serb e nënshkroi, dje, kontratën me vlerë prej afro 40 milionë sterlinash. Këtë verë, në “Stemford Brixh” erdhi mesfushori Timue Bakajoko, por Konte dëshiron edhe një mesfushor tjetër që të zëvendësojë Matiçin. Renato Sançes i Bajernit të Mynihut është një opsion, ndërkohë që Konte ka hyrë në kontakt me bashkatdhetarin e tij, Karlo Ançeloti, duke e pyetur këtë të fundit për futbollistin e ri portugez.

Sidoqoftë, mediumet ishullorë vënë në dukje faktin se Konte synon që të marrë Drinkuoterin e Lesterit, ku ai kishte krijuar një partneritet të shkëlqyer me mesfushorin aktual të Celsit, Ngolo Kante, kur “dhelprat”, duke befasuar të gjithë, dolën, parvjet, kampion të Anglisë.

Sfidanti.al