Arsenali, në të kaluarën, konsiderohej si një klub që kursen dhe vetëm shet lojtarë. Kjo ndodhte, kur “topçinjtë” po ndërtonin stadiumin dhe vëmendjen e kishin përqendruar të futbollistët e rinj, të cilët, më vonë, ua shisnin shtrenjtë klubeve të tjerë. Por, gjatë viteve të fundit, politika e Arsenalit ka ndryshuar dhe klubi filloi të shpenzoi shumë para, me qëllim që të sillte në radhët e veta lojtarë yje, si psh. Mesut Ozili dhe Aleksis Sançez, ndërkohë që, këtë sezon, pasuan angazhimet e Aleksandre Lakazetit dhe Pjer-Emerik Obamejangut.

Gjatë verës, pritet që ky klub londinez të vendosë një rerkord të ri dhe të sjellë në radhët e veta portierin më të shtrenjtë në historinë e futbollit. Fjala është për gardianin e portës së Atletikos së Madridit, sllovenin Jan Obllak, kaluzola e blerjës së të cilit është 100 milionë euro. Mediume të ndryshëm shkruajnë se Arsenali është gati që ta paguajë këtë klauzolë, duke qenë se e konsieron Obllakun që është vetëm 25 vjeç, si portierin  e vet gjatë 10 viteve të ardhshëm.

Sfidanti.al