‘Titulli në Serie A? Është një cështje që nuk na përket. Duhet të tregohemi të përulur, të përqendruar dhe me shumë uri, të ndërgjegjshëm se jemi një skuadër e madhe-kjo është ajo që ka deklaruar Drejtori Sportiv I Lazios, Igli Tare ditën që klubi roman festoi 120 vjetorin e themelimit të tij duke mbajtur skuadrën bardhekaltër me këmbnë në tokë në lidhje me objektivat e saj.

Lazio është në një moment shumë të mirë, por për Taren, synimi kryesor është kualifikimi për në Ligën e Kampioneve sezonin e ardhshëm.

‘Objektivi ynë është Championsi, nuk duhet ta harrojmë në asnjë moment-tha Tare-por nëse do të duhet të luftojmë edhe për dicka tjetër në javët e fundit, atëherë nuk do të tërhiqemi prapa. Jemi vetëm në gjysmë të rrugës, kemi fituar shumë beteja, por duhet të fitojmë luftën. Kjo është vetëm një foto e momentit, Të ëndërrosh është dicka e bukur, por unë jam profesionist dhe eci me këmbë në tokë’

Sfidanti.al