Luis Suarez festoi më shumë për golin apo për kartonin e verdhë?

Luis Suarez u pa në humor shumë të mirë në stadiumin e Seviljes mbrëmjen e djeshme. Shënoi gol dhe s’kish si ndodhte ndryshe, do të thoshte dikush. Shumë dakord, por duket se pati edhe një arsye tjetër të fortë që uruguajani u ndje i lumtur. Kjo arsye ishte kartoni i verdhë që mori ai në ndeshje e sipër, gjë që nuk do ta lejojë të luajë në ndeshjen e radhës në ligën spanjolle ndaj Malagës.

Punë e madhe! Kjo e keqe ka nga prapa një të mirë të madhe, pasi Suarez do të jetë i gatshëm për Barcelonën për përballjen më të madhe të sezonit, “El Klasikon” ndaj Realit. Më përpara do të jenë ndeshjet e kombëtares, pastaj ndeshja me Malagën në 19 nëntor, dhe në radhë vjen Reali në “Kamp Nou”.

A mund të thuhet që Suarez e mori me qëllim kartonin e verdhë? Ndoshta, por deri më sot FIFA nuk ka vënë në punë ndonjë “makinë të së vërtetës”, për të ndëshkuar këta lloj fajtorësh (gjithnjë, nëse janë të tillë)!

B. Kuka

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *